Халкымның җаны – туган тел


Халыкара туган тел көне, Татарстан Республикасы Президенты Р.Н.Миңнеханов 2021 елны туган телләр һәм халык бердәмлеге елы дип игълан итү уңаеннан, күптән түгел 24 февральдә “Халкымның җаны – туган тел” дип исемләнгән әдәби-музыкаль кичә узды. Кичә татар теле һәм әдәбияты укытучысы Р.А.Минһаҗева истәлегенә багышланган иде. Чара Резиля Абузаровнаны искә алу, аңа багышланган шигырьләрне уку белән башланды. Шулай ук кичәдә колледжны тәмамлаган студентлар катнашты: Фәнзилә Җәмилова һәм Анна Вотякова Резиля Абузаровна белән бәйле истәлекле моментларны сөйләделәр, аңа рәхмәтле булулары турында
әйттеләр.
Чара төрле халыкларның: татар, рус, чуаш, мари, удмуртларның вокал һәм хореографик номерларын күрсәтү белән дәвам итте. Кичә һәр халыкның бай тарихи-мәдәни мирасын аңларга, төрле милләтләр палитрасын тоярга, бер-беребезне хөрмәт итүнең мөһимлегенә төшенергә этәргеч булды. Шулай ук кичә бай этномәдәни мирасны саклап калуга һәм арттыруга ярдәм итә.

Добавить комментарий

Ваш адрес email не будет опубликован. Обязательные поля помечены *